Böyük Britaniyanın baş naziri Keir Starmer ABŞ prezidenti Co Baydendən Ukraynaya kömək üçün 20 milyard dollar ayırmağı xahiş edəcək.

Bundan əlavə, Starmer Ukraynaya "Storm Shadow" raketlərini Rusiyanın dərinliklərinə endirmək üçün icazə verilməsindən danışacaq.

Britaniyanın baş naziri hesab edir ki, bu, Donald Trampın rəsmi olaraq hakimiyyətə gəlməsindən əvvəl edilməlidir.

Keir Starmer, gələn həftə Braziliyada keçiriləcək G20 sammitinə qatılacaqları zaman Baydenlə üzbəüz danışıqlar aparmağa çalışır. Starmer, çox güman ki, Baydendən Ukraynaya 20 milyard dollar verməsini və Rusiyanın dərinliklərinə “Storm Shadow” raketlərinin buraxılması üçün icazə istəyəcək.

Nəşrin məlumatına görə, Co Bayden belə bir qərara qarşıdır. Bununla belə, bazar ertəsi Parisdə danışıqlar zamanı Böyük Britaniyanın baş naziri Starmer və Fransa prezidenti Emmanuel Makron ABŞ-ın mövqeyinin dəyişdirilməsinin vacibliyini müzakirə ediblər.

Liderlər 20 dəqiqə Ukrayna ilə bağlı üzbəüz danışıblar. Otaqda böyük köməkçi nümayəndə heyətinin olmaması müzakirələrin siyasi həssaslığını əks etdirir.

Nigar