Amerikalı sahibkar İlon Mask ABŞ-ın yeni seçilmiş Prezidenti Donald Trampın administrasiyasında vəzifə tutmayacaq, lakin onun respublikaçılara təsiri artır.

Oxu24.com  xəbər verir ki, bu barədə CNN mənbələrə istinadla məlumat yayıb.
 

Məlumata görə, Tramp biznesmenə bir neçə vəzifə təklif edib, lakin Maskın özü daimi olaraq hər hansı dövlət vəzifəsini tutmaq istəmir. Çünki bu, onun şirkətlərdəki fəaliyyətini məhdudlaşdıracaq. Bununla belə, mənbələr Maskın Tramp üzərində böyük təsirinə işarə edir.

Telekanal qeyd edir ki, sahibkar demək olar hər gün seçilmiş prezidentlə görüşlərdə və kadr qərarlarının qəbulunda iştirak edir.

Daha əvvəl bildirilmişdi ki, Mask Tramp və Ukrayna Prezidenti Volodimir Zelenski arasında telefon danışığında iştirak edib.