Trampın keçmiş müşaviri həbsdən AZAD EDİLDİ
Donald Trampın keçmiş müşaviri Stiv Bannon ABŞ -da həbsxanadan azad edilib.
OXU24.COM xəbər verir ki, bu barədə “İnterfaks” məlumat yayıb.
Bannon 6 yanvar 2021-ci ildə ABŞ-ın əvvəlki prezident seçkiləri ilə əlaqədar Kapitoliyə hücumla bağlı dinləmələrdə iştirak etməkdən imtina etdiyi ABŞ Konqresinə hörmətsizlik ittihamı ilə dörd ay barmaqlıqlar arxasında qalıb.
Cəzaçəkmə müəssisəsindən çıxan kimi Bannon qızı Maureen və jurnalistlərlə görüşüb. Mətbuata verdiyi şərhdə o, həbsxanada keçirdiyi vaxtın “nəinki onu sındırmadığını, əksinə, qətiyyət verdiyini” söyləyib.
İyulun 1-də Bannon elan etdi ki, Tramp seçkidə qalib gələrsə, bəzi yüksək rütbəli Amerika məmurlarına qarşı səlahiyyətlərindən sui-istifadə ittihamı ilə təhqiqata başlayacaq.
“Politico”nun məlumatına görə, siyahıya FTB-nin keçmiş direktoru vəzifəsini icra edən Endryu Makkeyb, keçmiş FTB direktoru Ceyms Komi, keçmiş müdafiə naziri Mark Esper, keçmiş baş prokuror Uilyam Barr və Baş Qərargah Rəisləri Komitəsinin keçmiş sədri Mark Milley daxildir .
Oxu24.com
ŞƏRHLƏR