Gürcüstan hökuməti ölkənin “ikinci Ukrayna” olmasına imkan vermədi.

Oxu24.com Sputnik.Gürcüstan-a istinadən  xəbər verir ki, bunu Macarıstanın baş naziri Viktor Orban gürcüstanlı həmkarı İrakli Kobaxidze ilə rəsmi görüşündən sonra deyib.

“Biz alqışlayırıq ki, gürcü xalqı sülhü seçdi və hökumət öz Avropaya inteqrasiya istəyi kontekstində ölkənin ikinci Ukraynaya çevrilməsinə imkan vermədi”, - Macarıstanın baş naziri qeyd edib.

Orbanın sözlərinə görə, seçkilərin nəticələri ilə bağlı mübahisələr davam edəcək, lakin Gürcüstan Nazirlər Kabineti onlara o qədər də əhəmiyyət verməməlidir.

Bundan əvvəl Orban bildirib ki, heç kim Gürcüstanda seçkilərin qeyri-demokratik olduğunu deməsin.

Oktyabrın 26-da Gürcüstanda parlament seçkiləri keçirilib. Ölkənin 150 deputatdan ibarət ali qanunverici orqanında yerlər uğrunda 20-yə yaxın partiya mübarizə aparıb. Ardıcıl 12 il hakimiyyətdə olan hakim “Gürcü arzusu” partiyası 54,3% səslə qalib gəlib. Bir neçə partiya parlamenti boykot elan edib, müxalifət partiyası olan “Dəyişiklik Koalisiyası” isə deputat mandatlarından və dövlətin maliyyə dəstəyindən imtina edib.

Bundan əvvəl Macarıstan Xarici İşlər Nazirliyinin rəhbəri Gürcüstanın Aİ-yə daxil olacağına əminliyini ifadə edib.

Miri