Ukrayna prezidenti Vladimir Zelenski dördüncü Ukrayna-Şimali Avropa sammitində iştirak etmək üçün ilk dəfə İslandiyaya gedib.

Oxu24.com xəbər verir  ki, bu barədə Zelenski Telegram kanalında yazıb.

O, sammit iştirakçıları: İslandiya, Danimarka, Norveç, Finlandiya və İsveçin baş nazirləri ilə ikitərəfli danışıqlar aparacağını bildirib.

“Mən xanım prezident və ev sahibi ölkənin parlamentinin nümayəndələri ilə görüşəcəyəm. Şimal Şurasının iclasında iştirak edəcəyəm. Biz qələbə planını dəstəkləmək və əməkdaşlığımızın ən səmərəli ola biləcəyi məsələlər barədə danışacağıq”, - Zelenski yazıb.

Oktyabrın 28-də günortadan sonra Zelenski bildirib ki, ABŞ prezident seçkilərindən sonra Kiyevə dəstəyi dayandırarsa, respublika çətinliklərlə üzləşəcək.

Həmin gün Zelenski Hindistana müraciət edərək Rusiya ilə əməkdaşlığı dayandırmaq, habelə Ukrayna münaqişəsində neytrallıqdan imtina etmək tələbi ilə çıxış edib.

Bundan əvvəl Zelenski BMT-nin baş katibi Quterreşin mövqeyini “sürpriz” adlandırmışdı.

Nigar