Hollandiya hakimiyyəti qaçqınlar üçün qeyri-müəyyən yaşayış icazəsini ləğv etməyi planlaşdırır.

Oxu24.com xəbər verir  ki, bu barədə ölkənin hakim koalisiyasına daxil olan ifrat sağçı Azadlıq Partiyasının (PVV) lideri Geert Vilders X sosial şəbəkəsində məlumat verib.

Siyasətçi videomüraciətində deyib ki,  qaçqınlar üçün yaşamaq icazəsi artıq “əbədi” verilməyəcək, sənəd müvəqqəti olacaq, onun etibarlılığı üç il olacaq

Vilders həmçinin qeyd edib ki, hökumət Hollandiyada qaçqınlar üçün ailə birləşməsi prosedurunu sərtləşdirmək niyyətindədir. Suriyanın Hollandiya tərəfindən təhlükəsiz hesab etdiyi bölgələrdən olan qaçqınlara sığınacaq verilməyəcək.

Avqustun 31-də Hollandiyanın sığınacaq və miqrasiya naziri Marielein Faber bildirib ki, ukraynalı qaçqınlar təhlükəsiz olduqda evlərinə qayıtmalı olacaqlar. Tarixi nümunə kimi o, Hollandiyanın İkinci Dünya Müharibəsindən sonra, ölkə əhalisinin onu yenidən qurmaq üçün çox çalışdığı təcrübəyə istinad etdi.

Daha əvvəl Fransada ukraynalı qaçqınlar sosial evləri tərk etmələrini tələb edən məktublar alıblar.

Nigar