Qaxda dələduzluq etməkdə şübhəli bilinən, əvvəllər də məhkum olunmuş 38 yaşlı Ədalət Abdullayev saxlanılıb.

Oxu24.com  DİN-in Mətbuat xidmətinin Şəki regional qrupuna istinadən xəbər verir ki, Ə.Abdullayevin zərərçəkənlərin etibarından sui-istifadə edərək onları işə düzəltmək, əlilliklə bağlı ev və avtomobil almaqda köməklik göstərmək kimi vədlərlə aldatması məlum olub.

O, vətəndaşların 32 min manat pulunu ələ keçirib.

Faktla bağlı Qax RPŞ-də cinayət işi başlanılıb, araşdırmalar davam etdirilir.

Həmin şəxsin qanunsuz əməllərindən zərərçəkən başqa vətəndaşlar olarsa, bu barədə polis orqanlarına məlumat verə bilərlər.