Türkiyədə TUSAŞ-ın istehsal obyektində baş verən terrorda ölənlərin sayı 5 nəfərə, xəsarət alanların sayı isə 22 nəfərə çatıb.

Bu barədə Türkiyənin daxili işlər naziri Ali Yerlikaya bildirib.

Onun sözlərinə görə, yaralananlardan üçü artıq xəstəxanadan buraxılıb.

***

TUSAŞ-ın istehsal obyektində baş verən terrorda ölənlərin sayı 4-ə yüksəlib.

Bunu Türkiyə Prezidenti Rəcəb Tayib Ərdoğan Kazanda Rusiya Prezidenti Vladimir Putinlə görüşündə deyib.

***

Türkiyədə TUSAŞ-ın istehsal obyektində baş verən terrorda 3 nəfər ölüb, 14 nəfər yaralanıb.

 Bunu Türkiyənin daxili işlər naziri Ali Yerlikaya "X" sosial şəbəkəsindəki səhifəsində yazıb.

O bildirib ki, 2 terrorçu hüquq-mühafizə orqanları tərəfindən zərərsizləşdirilib

***

TUSAŞ-a hücumu həyata keçirən 3 terrorçudan 2-si zərərsizləşdirilib.

OXU24.COM xəbər verir ki, digər terrorçunun zərərsizləşdirilməsi istiqamətində əməliyyat davam etdirilir.

"İHA"nın məlumatına görə, Türkiyə daxili işlər naziri Ali Yerlikaya hadisə yerinə gəlib.

***

TUSAŞ-da ikinci partlayış baş verib.

 Türkiyə KİV-ləri ilkin məlumata görə, 9 nəfərin öldüyünü yazır.

Həmçinin çoxlu sayda insanın girov götürüldüyü təxmin edilir.

***

Türkiyənin Ankara şəhərində yerləşən dövlət aerokosmik şirkəti – TUSAŞ-ın binasının qarşısında partlayış baş verib.

OXU24.COM xəbər verir ki, Türkiyə daxili işlər naziri Ali Yerlikaya "X" hesabında terror hadisəsinin baş verdiyini, ölən və yaralananların olduğunu bildirib.