Gürcüstan parlamentinin spikeri Şalva Papuaşvili Gürcüstanın Birinci Kanalının efirində bildirib ki, Qərb ölkələrinin rəsmiləri 2022-ci ildə Tbilisini Rusiyaya qarşı sanksiyalara qoşulmağa razı salıblar.

“Oxşar söhbətlər oldu, bəzən ciddi, bəzən  də qeyri-ciddi adamlar tərəfindən”,-deyə o çıxışında qeyd edib.

Onun sözlərinə görə, 2022-ci ildə Gürcüstan rəsmiləri Qərb nümayəndələrinə Rusiya Federasiyasına qarşı sanksiyaların tətbiqi riskinin nə üçün olduğunu izah etməli olublar.

“Şəxsən mənə söhbət zamanı dedilər: qorxma, Tsxinvalidən artilleriya Tbilisiyə çatmayacaq”, - o deyib.

Papuaşvili onu da qeyd edib ki, Avropa Parlamentinin (AP) Gürcüstandan Rusiyaya qarşı birbaşa sanksiyalar tətbiq etməsi tələbi hədsizdir.

Gürcüstanda hakim “Gürcü Arzusu” partiyasının təsisçisi Bidzina İvanişvili daha əvvəl bildirmişdi ki, Qərb rəsmisi Gürcüstanın keçmiş baş naziri İrakli Qaribaşvili ilə söhbətində Tbilisiyə “üç-dörd gün” Rusiya ilə hərbi əməliyyatlar keçirməyi təklif edib.

Bundan əvvəl Gürcüstan parlament seçkilərində müxalifətin əvəzinə ABŞ-ın iştirak etdiyini açıqlamışdı.

Miri