Bir müddət öncə azadlığa buraxılan məşhur türkiyəli fenomen Dilan Polat və bacısı Sıla Doğu ötən gün saxlanılıblar.

Oxu24.com  Türkiyə mətbuatına istinadən xəbər verir ki, buna səbəb bacıların Beşiktaşda restoranların birində əylənərkən bir-birini dodaqlarından öpməsi olub.

Sözügedən görüntülər sosial şəbəkələrdə geniş şəkildə yayılaraq tənqid olunub. Bundan sonra onlar barəsində İstanbul Cümhuriyyət Baş Prokurorluğunda “əxlaqsız hərəkət” ittihamı ilə istintaq başladılaraq saxlanılıblar.

Bacılar polis bölməsində ifadə verdikdən sonra məhkəmə nəzarəti şərti ilə sərbəst buraxılıblar. Bununla belə, həftənin üç günü - çərşənbə axşamı, cümə axşamı və bazar günü bölməyə gedərək imza qoymalıdırlar.

Qeyd edək ki, Türkiyədə keçirilən əməliyyatlar çərçivəsində ötən il noyabrın 1-də fenomen Dilan Polat və həyat yoldaşı Engin Polat, həmçinin Dilanın bacısı Sıla Doğu və qardaşı Can Doğu, Enginin qardaşı Kürşat Polat daxil olmaqla 24 nəfər saxlanılmışdı. Dilan Polat avqustun 19-u, bir neçə gün sonra isə əri sərbəst buraxılmışdı.