Respublikaçılar partiyasından ABŞ prezidentliyinə namizəd Donald Tramp Pensilvaniyada özünü bir müddətlik “McDonald's” restoranında işçi kimi sınayıb.

Oxu24.com xəbər verir ki, bu barədə məlumatı “Fox News” yayıb. 

Məlumata görə, siyasətçi dünən Fistervil şəhərində “McDonald's” restoranlarından birini ziyarət edib. O, burada önlük taxaraq bir neçə porsiya kartof fri hazırlayıb.

Tramp bununla yanaşı, restoranın bir neçə müştərisinin hesabını ödəyərək onları qonaq edib. 

Prezidentliyə namizəd sözügedən restoranda işləməyi bəyəndiyini bildirib. Trampın restorandan görüntüləri sosial şəbəkələrdə maraqla qarşılanıb.