Livanın baş naziri Nəcib Mikati İran parlamentinin sədri Məhəmməd Baqir Qalibafın Tehranın Livanda atəşkəs üçün Parislə danışıqlara hazır olması barədə bəyanatını tənqid edib.

Oxu24.com xəbər verir  ki, bu barədə Livanın L'Orient-Le Jour qəzeti məlumat yayıb.

“Biz bu təşəbbüsə təəccüblənirik. Bu, Livanın işlərinə açıq-aşkar müdaxilə və Livanı qəbuledilməz qəyyumluq altına almaq cəhdidir”, - nəşr baş nazirin sözlərindən sitat gətirir.

Bundan əlavə, Mikati Livanın xarici işlər naziri Abdullah Bu Həbibə Qalibafın bəyanatlarını müzakirə etmək üçün İranın Beyrutdakı müvəqqəti işlər vəkilini çağırmağı xahiş edib, L'Orient-Le Jour xəbər verir.

Daha əvvəl “Le Figaro”nun yazdığına görə, Qalibaf bildirib ki, Tehran Livanda atəşkəs mövzusunda Fransa ilə danışıqlara hazır olacaq. Bununla belə, Qalibaf-a yaxın bir mənbə Le Figaro-nun Əl-Mayadeen telekanalındakı məlumatlarının düzgünlüyünə etiraz etdi, L'Orient-Le Jour qeyd edir.

Nigar