Fələstinin radikal HƏMAS hərəkatının lideri Yəhya Sinvarın məhv edilməsi dramatik olsa da, Yaxın Şərq regionundakı vəziyyətə təsir etməyəcək.

Oxu24.com  xəbər verir ki, bunu Rusiya xarici işlər nazirinin müavini Mixail Baqdanov deyib.

“Bu cür dramatik hadisələr ilk dəfə deyil. Həmişə bir əvəz var və artıq tapılıb. Anladığım kimi, İsmayıl Haniyədən əvvəl vaxtilə HƏMAS-a rəhbərlik etmiş Xalid Məşəl indi yenidən HƏMAS-a rəhbərlik edəcək”, - diplomat bildirib.

Boqdanov belə bir hadisənin HƏMAS-ın İsraillə münaqişəsində dönüş nöqtəsi olacağına dair xəbərləri də təkzib edib.

Bundan əvvəl “The New York Times” (NYT) Fələstinin radikal HƏMAS hərəkatının lideri Yəhya Sinvarı qətlə yetirən İsrail Müdafiə Qüvvələrinin (İDF) əsgərlərinin onunla görüşəcəklərini gözləmədiklərini yazıb. İsrail hərbçiləri yalnız atışma və Həmas döyüşçülərinin olduğu binaya zərbə endirdikdən sonra Sinvarı tanıyıb. Nəşrin mənbələrinin məlumatına görə, HƏMAS lideri digər iki yaraqlı ilə birlikdə öldürülüb və yaxınlıqda girovlardan əsər-əlamət yoxdur. Pul və silahlar da tapılıb.

Nigar