Rusiya prezidenti Vladimir Putin Gürcüstan vətəndaşları üçün vizasız rejimin genişləndirilməsi haqqında fərman imzalayıb.

Oxu24.com xəbər verir ki, sənəd rəsmi hüquqi informasiya portalında dərc olunub.

Fərman Rusiyaya iş məqsədi ilə və ya 90 gündən çox müddətə gələn vətəndaşların kateqoriyalarını əhatə edəcək.

Putin 2023-cü il mayın 10-da Gürcüstan vətəndaşları üçün 2000-ci ildən qüvvədə olan viza rejimini ləğv edib. Eyni zamanda o, 2019-cu ildə Rusiya təyyarələrinin Gürcüstana uçuşlarına və bu ölkəyə turist turlarının satışına qoyulan qadağanı aradan qaldırıb.

Daha sonra Gürcüstan prezidenti Salome Zurabişvili Rusiyanın viza rejimini ləğv etməsini “daha ​​bir təxribat” adlandırıb. O, Rusiyanın “ərazimizi işğal etdiyi” və Ukraynada “hərbi xüsusi əməliyyat” apardığı bir vaxtda Rusiya Federasiyasından Gürcüstana birbaşa uçuşların bərpası və viza məhdudiyyətlərinin aradan qaldırılmasının “qəbuledilməz” olduğunu bildirib.

Bundan əvvəl Rusiya Xarici İşlər Nazirliyi 9 ölkə ilə vizasız gediş-gəlişlə bağlı sazişlərin hazırlandığını açıqlamışdı.

Miri