Litva Futbol Federasiyası 2025-ci ildə çimərlik futbolu üzrə dünya çempionatının seçmə mərhələsi çərçivəsində Belarus milli komandasına qarşı oynamaqdan imtina etdiyini açıqlayıb.

Oxu24.com xəbər verir  ki, bu barədə RİA Novosti agentliyi məlumat yayıb.

“Çmərlik futbolçularımızın növbəti seçim mərhələsinə vəsiqə uğrunda mübarizə apara bilməyəcəkləri və bunda öz güclərini sınaya bilməyəcəkləri faciəvi haldır. Belə olan halda bizim prinsiplərimiz idmandan yüksəkdə qalır. Bizim tərəfimizdən belə bir addım bu məsələ ilə bağlı mövqeyimizi bir daha layiqincə nümayiş etdirir”, - təşkilatın prezidenti Edqaras Stankeviçius bildirib.

Litva və Belarus yığmaları arasında oyun oktyabrın 9-da İspaniyada keçirilməli idi. Komandalar dünya çempionatının seçmə mərhələsinin 1/8 final mərhələsinin püşkatmasının nəticələrinə əsasən rəqib olublar.

Lakin belə bir qərar Litva Federasiyası tərəfindən ilk deyildi. 2024-cü ilin martında təşkilatın prezidenti izah etdi ki, ölkənin qadınlardan ibarət milli futbol komandası Belarusdan olan rəqiblərə qarşı 2025-ci il Avropa çempionatının seçmə turnirinin iki oyununu keçirməkdən imtina etmək niyyətindədir. Litva bu döyüşlərdə iki texniki məğlubiyyəti ehtiva edən sanksiyalara hazır olduqlarını vurğulayıb.

Bundan əvvəl Valeri Karpin Rusiya millisinin yeni rəqibinin adını açıqlayıb.

Nigar