Yanvar-sentyabrın nəticələrinə əsasən, Braziliya Rusiya neft məhsullarının idxalını 1,6 dəfə artıraraq 5,1 milyard dollara çatdırıb.

Oxu24.com  bu barədə Braziliya gömrüyünün məlumatlarına istinadən yazır.

Müqayisə üçün: 2023-cü ilin eyni dövrü üçün tədarük 3,25 milyard dollar təşkil edib.

İdxalın əsas payını dizel yanacağı tutub. Üç rübün nəticələrinə əsasən, Braziliya Rusiya Federasiyasından alışını 1,7 dəfə artıraraq 4,4 milyard dollara çatdırıb. Bundan əlavə, bu il ölkə Rusiyadan qeyri-aviasiya benzini idxal etməyə başlayıb. Yanvar-sentyabr aylarında tədarükün həcmi 247,7 milyon dollar təşkil edib.

Braziliya bazarına neft məhsullarının tədarükündə Rusiya lider olaraq qalır. İkinci yeri 2,8 milyard dollarla ABŞ tutur. Sonrakı yerləri müvafiq olaraq 541,7 milyon dollar və 497,4 milyon dollar həcmində tədarük həcmi ilə İspaniya və Hollandiya tutur. Ən böyük beş tədarükçünü 459 milyon dollarla Küveyt qapayır.

Rusiya neftin qiymətinin aşağı düşməsinə baxmayaraq, sentyabr ayında neft gəlirlərini artırıb. Artım illik müqayisədə 6% təşkil edərək 175 milyard rubla çatıb.

Bundan əvvəl sanksiyalara görə neft məhsullarının Aİ üçün nə qədər baha olduğu məlum olub.

Nigar