Kremldə Rusiya və ABŞ prezidentləri Vladimir Putin və Co Bayden arasında mümkün görüş barədə danışılmır.

Oxu24.com xəbər verir  ki,bu barədə prezidentin mətbuat katibi Dmitri Peskov brifinqdə Putinlə görüş ehtimalını istisna etməyən Amerika liderinin sözlərini şərh edərkən bildirib.

“Bu barədə heç bir söhbət olmayıb. Hazırda heç bir ilkin şərt yoxdur, lakin prezident bildirib ki, o, bütün təmaslara açıqdır”, - Peskov jurnalistlərə bildirib.

O əlavə edib ki, Putinin G20 sammitinə səfəri ilə bağlı hələ qərar verilməyib.

Bir gün əvvəl Co Bayden TASS ilə söhbətində G20 və ya Asiya-Sakit Okean İqtisadi Əməkdaşlıq Təşkilatının sammitində rusiyalı həmkarı ilə mümkün görüşdən imtina etməyib.

Bununla belə, o, Putinin bu sammitlərə qatılmağa qərar verəcəyinə şübhə etdiyini bildirib.

Sentyabrın sonunda Peskov bəyan edib ki, hazırda “beşlik” BMT Təhlükəsizlik Şurasının liderlərinin görüşü real deyil.

Bayden daha əvvəl Rusiya aktivlərinin dondurulmaması üçün şərtlərin adını çəkmişdi.

Nigar