Rusiya oktyabrın 3-də Livana humanitar yardım edəcək.

Oxu24.com  xəbər verir ki, bunu Rusiyanın Beyrutdakı səfiri Aleksandr Rudakov “Valday” klubunda keçirilən müzakirələr çərçivəsində deyib.

“Hazırda işləyirik, sabah Fövqəladə Hallar Nazirliyindən bura humanitar yardım aparacaq təyyarə gələcək”, - o vurğulayıb.

Rusiyalı diplomat əlavə edib ki, “hər şeyin çox yaxşı olmadığı” şəraitdə tərəflər logistika ilə bağlı məsələləri “əllə” danışıqlar aparmalı və müzakirə etməlidirlər.

Sentyabrın 23-də İsrail Livanda “Şimalın oxları” kod adlı “önləyici hücum əməliyyatına” başladığını elan etdi. Sentyabrın 28-də İsrailin hava zərbəsi ilə Hizbullah lideri Həsən Nəsrullahı öldürdüyü məlum olub. Daha sonra hava hücumunun görüntüləri yayılıb.

Oktyabrın 1-nə keçən gecə İsrail ordusu Livanın cənubundakı sərhəd bölgəsindəki Hizbullah hədəflərinə qarşı “məhdud, lokallaşdırılmış və məqsədyönlü reydlərin” başladığını elan edib.

İran İsrailə yüzlərlə raket ataraq Hizbullaha dəstək verib.

Bundan əvvəl Fransa XİN rəhbərinin yaxın vaxtlarda Yaxın Şərqə səfər edəcəyi bildirilirdi.

Miri