Yaponiyada baş verən zəlzələ Kuril adalarına da təsir edib.

Oxu24.com xəbər verir  ki, bu barədə yerli Sakh.online portalı Telegram kanalında məlumat yayıb.

“Cümə axşamı, sentyabrın 26-da yerli vaxtla saat 18:01-də 5,9 bal gücündə zəlzələ baş verib, episentri Yaponiyanın Hokkaydo adası yaxınlığında olub. Yeraltı təkanları Kuril adalarının sakinləri də hiss ediblər”, - nəşr yazır.

Yeraltı təkanların monitorinqini aparan eqalert.ru xidmətinin məlumatına görə, zəlzələ Qolovnino, Dubovoe və Mendeleevo yaşayış məntəqələrində hiss olunub.

Bildirilir ki, zəlzələnin gücü MSK-64 şkalası üzrə III-IV bal kimi qiymətləndirilir. Yeraltı təkanların gücü təxminən III-ə çatan Yujno-Kurilskdə yerli sakinlər “gözə çarpan təkan” olduğunu bildiriblər.

Portalın məlumatına görə, zəlzələnin mənbəyi 57,9 km dərinlikdə yerləşib. Lakin sunami xəbərdarlığı verilməyib. Dağıntı və tələfat barədə də məlumat verilməyib.

Sentyabrın 24-də Yaponiya 5,9 bal gücündə zəlzələ səbəbindən sunami təhlükəsi elan edib.

Yeraltı təkanlar yerli vaxtla saat 8:14-də (Bakı  vaxtı ilə 3:14) İzu adaları yaxınlığında qeydə alınıb. Epidemiya 10 kilometr dərinlikdə yerləşib.

Miri