Əfqanıstanda hakimiyyətdə olan “Taliban”ın  əmiri Heybətullah Axundzadə “kafirlərə bənzədiyinə” görə qırmızı lentin kəsilməsi mərasiminə qadağa qoyub.

Oxu24.com xəbər verir  ki, bu barədə Independent Persia məlumat yayıb.

Qeyd olunur ki, bu, “əxlaq polisi”nin rəhbəri vəzifəsini icra edən Məhəmməd Xalid Hənəfin əmirə təqdim etdiyi şəriət nəzəriyyəsi ilə praktika arasında ziddiyyətlər paketindəki məqamlardan biridir. Əmir xalçada ayaqqabı geyməyə və qarışıq döyüş növlərinə də qadağa qoyub.

Əvvəllər Taliban kişilərə cins şalvar geyinməyi və dəbli saç düzümünü qadağan edirdi.

Avqustun sonunda qəbul edilən yeni qanunlar xarici görünüş və davranış baxımından “qeyri-müsəlmanları” təqlid etməyi qadağan etmək məqsədi daşıyır.

Belə ki, ölkə sakinləri dəbli saç kəsdirə, saqqallarını yumruqlarından qısa kəsə, cins şalvar geyinə bilməzlər. Bundan əlavə, indi kişilərə öz arvadlarından və ya qohumlarından başqa qadınlara baxmaq qadağandır.

Miri