Litva məxfi məlumatlarla işləyən işçilərin dost olmayan ölkələrə səyahətini qadağan etməyi planlaşdırır.

 

Oxu24.com xəbər verir  ki, bu barədə Litva Radio və Televiziyası (LRT) məlumat yayıb.

 

Seym dövlət və rəsmi sirr haqqında qanuna müvafiq dəyişiklikləri birinci oxunuşda təsdiqləyib.

 

Litva Müdafiə Nazirliyinin məlumatına görə, məxfi strukturların əməkdaşlarının gedə bilməyəcəyi dövlətlər siyahısına artıq hərbi qulluqçuların və məmurların girişi qadağan edilən ölkələr - Rusiya, Belarus və Çin də daxil olacaq.

 

Siyahıda göstərilən ölkələrə səyahət üçün xüsusi icazənin verilməsi təklif olunur. Qadağa 56 min məmura, eləcə də Litva Atıcılar İttifaqının üzvlərinə şamil oluna bilər.

 

Qadağaları pozanlar məxfi məlumatlarla işləmək hüququndan məhrum edilməyi planlaşdırır.

 

Layihənin qəbuluna daha bir səs qalıb.

 

Bir gün əvvəl Litvada Ukraynada münaqişənin kəskinləşməsindən sonra onların rusiyayönlü mövqelərinə görə dövlət işçilərini işdən çıxarmağa başladığı bildirilib. Xüsusilə, 2022-ci ilin fevral ayından etibarən respublikanın hüquq-mühafizə orqanları polis əməkdaşlarının Rusiya Federasiyasına dəstək verən çıxışları ilə bağlı 10 hadisəni qeydə alıb.

 

 

Nigar

 

Oxu24.com