Rusiya Xarici İşlər Nazirliyinin rəsmi nümayəndəsi Mariya Zaxarova Beynəlxalq Futbol Federasiyasının (FİFA) İsrail millisini beynəlxalq yarışlardan kənarlaşdırmaqdan imtina etməsini yüksək qiymətləndirib.

Oxu24.com xəbər verir  ki, onun sözlərini Match TV sitat gətirir.

Zaxarova bildirib ki, FİFA-nın mövqeyi onu təəccübləndirmir, çünki bu, idmanda standartların olmadığını təsdiqləyir. “Bir şey istisna olmaqla: Qərb standartlaşdırmada inhisarda olduğuna inanır”, o qeyd edib.

Bundan əvvəl FİFA-nın İsrail yığmasını beynəlxalq yarışlardan kənarlaşdırmamağa qərar verdiyi məlum olub. Federasiya Fələstin Futbol Assosiasiyasının tələbini rədd edib.

Ukraynada xüsusi əməliyyat başlayandan sonra Rusiya milli komandaları beynəlxalq turnirlərdən uzaqlaşdırılıb. İsrail komandaları Fələstindəki hərbi əməliyyatlara baxmayaraq, FİFA və UEFA-nın himayəsi altında keçirilən yarışlarda mübarizəni davam etdirir.

Nigar