Ekvatorial Qvineya prezidenti Teodoro Obian Nguema Mbasoqo sentyabrın 26-da Dövlət Dumasında çıxış edə bilər.

Oxu24.com xəbər verir  ki, Bu barədə RTVI-ya Rusiya parlamentinin aşağı palatasının birinci vitse-spikeri Aleksandr Jukov məlumat verib.

"İclasın gündəliyi sentyabrın 25-də Duma Şurası tərəfindən təsdiqlənəcək", - Jukov bildirib.

Sentyabrın 19-da TASS diplomatik mənbəyə istinadən yazıb ki, Ekvatorial Qvineya prezidenti Rusiya enerji həftəsində iştirak etmək və Rusiya lideri Vladimir Putinlə enerji sektorunda əməkdaşlığı müzakirə etmək üçün sentyabrın 25-28-də Rusiyaya səfər edəcək. 

Aprelin sonunda Rusiya Xarici İşlər Nazirliyinin Afrika departamentinin direktoru Vsevolod Tkaçenko Rusiyanın Ekvatorial Qvineyada diplomatik nümayəndəliyini açacağını bildirib. O qeyd edib ki, Afrika ölkələrində daha bir neçə Rusiya diplomatik məntəqəsinin açılması planlaşdırılır. Xarici İşlər Nazirliyinin nümayəndəsi qeyd edib ki, bu, Rusiyaya “afrikalı tərəfdaşların narahatlığına daha yaxın olmağa” imkan verəcək.

Bundan əvvəl Ekvatorial Qvineya BCM-nin nizamnaməsini rədd edərək Putini sammitə dəvət etmişdi.

Miri