Haaqa Beynəlxalq Arbitraj Məhkəməsi Ukraynanın Qara dəniz, Azov dənizi və Kerç boğazında sahilyanı dövlətlərin hüquqlarına dair Rusiyaya qarşı iddiası üzrə dinləmələrə başlayıb.

Oxu24.com xəbər verir  ki, bu barədə RİA Novosti məlumat yayıb.

Məhkəmə Krım körpüsünün tikintisi zamanı Rusiyanın ekoloji standartlara əməl etməməsi ilə bağlı Ukraynanın iddialarına baxacaq.

Bundan əlavə, strukturun Azov-Kerç akvatoriyasında gəmiçiliyə təsiri, həmçinin Krım sahillərində arxeoloji və tarixi obyektlərin təhlükəsizliyi ilə bağlı suallar qaldırılacaq.

Dinləmələr oktyabrın 5-dək davam edəcək. Rusiya tərəfini Rusiya Xarici İşlər Nazirliyinin xüsusi təyinatlı səfiri Gennadi Kuzmin təmsil edəcək.

Ukrayna Rusiyaya qarşı arbitraj prosesini 2016-cı ildə başlayıb. O, BMT-nin Dəniz Hüququ Konvensiyasına uyğun olaraq həyata keçirilir. Kiyev iddiası ilə Qara dənizdə, Azov dənizində və Kerç boğazında Krıma bitişik dəniz zonalarında hüquqlarını möhkəmləndirmək istəyir.

Sentyabrın 23-də Kuzmin Ukraynanın ittihamlarını əsassız adlandırıb. O, həmçinin bildirib ki, Rusiya tərəfi Haaqa Arbitraj Məhkəməsindən Kiyevin iddialarını tam şəkildə rədd etməyi xahiş edir.

Daha əvvəl rusiyalı diplomat Ukraynanın Krım körpüsünə hücumlarının nəticələrini açıqlamışdı.
 

Miri