İran Prezidenti Məsud Pezeşkianın başçılıq etdiyi İran nümayəndə heyəti Nyu Yorkda BMT Baş Assambleyasının yüksək həftəsi çərçivəsində Tehranın nüvə proqramı üzrə Birgə Hərtərəfli Fəaliyyət Planı (JCPOA) üzrə danışıqların yeni raunduna başlamağa çalışacaq.

Oxu24.com xəbər  verir  ki, bu barədə İran Xarici İşlər Nazirliyinin rəhbəri Abbas Əraqçi Telegram kanalında bildirib.

Əraqçi qeyd edib ki, o, Nyu-Yorkda Pezeşkiandan bir neçə gün çox qalacaq və bu müddət ərzində başqa ölkələrdən olan həmkarları ilə görüşəcək.

"Biz nüvə məsələləri üzrə danışıqların yeni raunduna başlamağa çalışacağıq", - diplomat bildirib.

Sentyabrın 10-da Nyu-Yorkda BMT Baş Assambleyasının 79-cu sessiyası işə başlayıb. Bu sessiyaların əsas hadisəsi ənənəvi olaraq yüksək səviyyəli həftədir. Sentyabrın 28-də keçiriləcək tədbirdə Rusiya xarici işlər naziri Lavrovun çıxış edəcəyi gözlənilir.

Rusiya Xarici İşlər Nazirliyinin rəsmi nümayəndəsi Mariya Zaxarova bildirib ki, Lavrovun BMT Baş Assambleyası çərçivəsində bir sıra görüşləri, o cümlədən təşkilatın baş katibi Antonio Quterreşlə danışıqları planlaşdırılıb.

Bundan əvvəl İran prezidenti nüvə silahı ilə bağlı açıqlama vermişdi.

Miri