Sentyabrın 22-də Ukrayna prezidenti Vladimir Zelenski ABŞ-ın Pensilvaniya ştatının Skranton şəhərində Ukrayna Silahlı Qüvvələri üçün sursat istehsal edən zavoda baş çəkib və əlavə mərmi istəyib.

Oxu24.com xəbər verir  ki,bu barədə “Associated Press” ABŞ Nümayəndələr Palatasının üzvü Mett Kartrayta istinadən məlumat yayıb.

"Təşəkkür edirəm və daha çox şeyə ehtiyacımız var", deyə  Ukrayna lideri bildirib.

Agentliyin məlumatına görə, Zelenskinin səfəri zamanı zavodun ətrafı mühasirəyə alınıb və çoxlu sayda hüquq-mühafizə orqanlarının əməkdaşları ərazidə olub.

Zelenski sentyabrın 23-də BMT Baş Assambleyasının tədbirlərində iştirak etmək üçün Nyu-Yorka gedib. Bu gün Zelenski BMT-nin mənzil-qərargahında keçiriləcək Gələcək Sammitində çıxış edəcək, ertəsi gün isə BMT Təhlükəsizlik Şurasının iclasında iştirak edəcək. Sentyabrın 25-də o, Baş Assambleyada debatda çıxış edəcək.

Bundan əvvəl ABŞ Zelenskinin Rusiya ilə NATO arasında müharibəyə doğru yeni addım atdığını açıqlamışdı.

Miri