"Bir günlük abırlı-həyalı geyinib getsələr olmaz?"

Oxu24.com  xəbər verir ki, jurnalist və aparıcı Amil Xəlil bu barədə  facebook səhifəsində qadın müxbirlərə səslənib. 

"Dəfələrlə fikir vermişəm. Bütün qadınlar ziyarətgahada olarkən başlarını bağlayıb, ziyarətlərini həyata keçirirlər. Bu gözəl əməldi. Amma bu addımı şəhidlər xiyabanında da həyata keçirmək lazımdır. Bəzən elə xanım müxbirləri xiyabanda görürəm ki, şəhid analarının yanına müsahibəyə gedir, 4-5 şəhid anamız başı bağlı formada müsahibə verir, müxbir isə geyimi qısa, saç forması açıq-saçıq, bəzən də ayaqqabısının dabanı 1 qarış (yeriyə bilmir) həm çıxış edir həm də görüntüdən çıxmır ki, çıxmır. (Özümə qurban olum, deyənlərdən olurlar)

Bir günlük abırlı-həyalı geyinib getsələr olmaz? Bir günlük həmrəng olsalar olmaz? Sadəcə bir günlük…"