Oktyabrda Gürcüstanda keçiriləcək parlament seçkiləri ərəfəsində Amerikanın Tbilisiyə qarşı sanksiyaları xarici qüvvənin seçki prosesinə müdaxiləsidir.

Oxu24.com   xəbər verir ki, bu barədə parlament çoxluğunun üzvü Givi Mikanadze brifinq zamanı bildirib.

“Seçkiqabağı dövrdə xarici dövlətin bu cür hərəkətləri seçkiqabağı prosesə müdaxilədir”, - o vurğulayıb.

Mikanadzenin qeyd etdiyi kimi, sanksiyalar gürcü seçicilərinin iradəsinə təsir etmək cəhdidir.

Bundan əvvəl Gürcüstan parlamentinin sədri Şalva Papuaşvili ABŞ-ın Gürcüstan Daxili İşlər Nazirliyinin rəsmilərinə qarşı sanksiyalar tətbiq etməsini ölkəyə hücum adlandırmışdı.

Papuaşvili vurğulayıb ki, istənilən dövlətdə polis dövlətin nümayəndəsidir və buna görə də polisə hər hansı hücum ölkəyə qarşı təcavüzdür.

Bundan əvvəl Gürcüstan bəyan etmişdi ki, ölkə qəyyumlar yox, tərəfdaşlar axtarır.

Miri