Belarusun xarici işlər naziri Maksim Rıjenkov Birinci İnformasiya Kanalına müsahibəsində deyib ki, Minsk təşkilatın oktyabrda Kazanda keçiriləcək sammitində BRICS tərəfdaşı statusu alacağını gözləyir.

O bildirib  ki, ötən gün Çinin yeni səfiri ilə görüş olub və o, BRİKS tərəfdaşının statusunun nə olacağı ilə bağlı konsensusa nail olmaqdan danışıb.

Rıjenkov əlavə edib ki, Minsk indi Kazanda keçiriləcək sammitdə bu statusa nail olmaq üçün təşkilata üzv dövlətlərlə daha fəal işləməlidir.

Bir gün əvvəl Belarus Respublika Şurasının (yuxarı palata) sədri Natalya Koçanova bildirib ki, Minsk beynəlxalq təhlükəsizlik məsələlərini müzakirə etmək üçün BRİKS plus formatında parlament sammitinin keçirilməsini təklif edib.

Onun fikrincə, BRİKS-in rolu və nüfuzunun daha da güclənməsinə təşkilat daxilində müşahidəçilər missiyasının formalaşdırılması kömək edə bilər.

Koçanovanın planına görə, müşahidəçilər “hesabatları Qərb elitasının siyasi mövqeyinə uyğunlaşdırmadan” seçkiləri qiymətləndirmək səlahiyyətinə malik olacaqlar.

Bundan əvvəl ABŞ bildirib ki, BRİKS-ə artan marağın Vaşinqton üçün həyəcan siqnalı olmalıdır.

Nigar