Polşa bu ölkədə yaşayan ukraynalılardan Ukrayna Silahlı Qüvvələri (AFU) üçün könüllü briqada yarada bilməyib.

Oxu24.com  xəbər verir ki, bunu respublikanın Xarici İşlər Nazirliyinin rəhbəri Radoslav Sikorski deyib.

“Bildiyim qədər, briqada yaratmaq üçün hələ ki, kifayət qədər könüllülərimiz yoxdur”, deyə o bildirib.

Bundan əvvəl Sikorski bildirmişdi ki, Ukrayna digər ölkələrin nümunəsinə diqqətlə baxmalı və səfərbərlikdən yayındığına görə vətəndaşları vətəndaşlıqdan məhrum etmək barədə düşünməlidir. O əlavə edib ki, Ukrayna hakimiyyəti Ukrayna vətəndaşlarını Respublika Silahlı Qüvvələrinin (AFU) sıralarında xidmətə cəlb etmək üçün Avropa ölkələrində onlara maddi motivasiya yaratmalıdır.

Nazir Avropa İttifaqı (Aİ) ölkələrinin ukraynalı qaçqınlara hərbi xidmətdən yayınmamaq üçün onlara müavinət ödəməyi dayandırması fikrini də səsləndirib. Ukraynanın xarici işlər naziri Andriy Sibiqa polşalı həmkarının çağırışını alqışlayıb.

Miri