Respublikaçılar Partiyasından prezidentliyə namizəd Donald Tramp bu ilin əvvəlində telefon danışığında Ukraynanı dəstəkləməyə davam edəcəyinə söz verib.

OXU24.COM  CNN-ə istinadən xəbər verir ki, bunu Ukrayna lideri Vladimir Zelenski deyib.

“O, çox dəstək oldu, yaxşı söhbət etdik. Bizə dəstək olacaq. O, müharibə zamanı sağ qalmağın nə qədər çətin olduğunu başa düşür və Ukraynanı gücləndirmək üçün hər şeyi edəcək. Onun bunu deməsi əladır. Ona görə də onun reaksiyasını eşitmək üçün bu planı bölüşmək istəyirəm”, - deyə prezident bildirib.

Zelenskidən Trampın prezident seçkilərində qalib gəldikdən dərhal sonra münaqişəyə son qoyması barədə sözləri haqqında nə düşündüyü də soruşulub. Buna cavab olaraq Ukrayna lideri vurğulayıb ki, o, bu cür bəyanatları yalnız seçki ritorikası hesab edir. O, Respublikaçı namizədin Demokratik rəqibi Kamala Harrisində də münaqişəyə baxışından xəbərdar olduğunu vurğulayıb.

İyulun 20-də Zelenski bildirib ki, Trampla telefon danışığı olub və o, amerikalı siyasətçi ilə şəxsi görüş barədə razılığa gəlib. ABŞ prezidentliyinə namizədin özünün də qeyd etdiyi kimi, o, Ukrayna liderini münaqişəni mümkün qədər tez həll etməyə çağırıb. Tramp həmçinin əlavə edib ki, Rusiya ilə ehtiyatlı olmaq lazımdır, çünki o, “Napoleon və Hitleri məğlub edib”.