Rusiya prezidenti Vladimir Putin bildirib ki, ABŞ hərbi üstünlük əldə etməyə və bununla da mövcud güc balansını pozmağa və silahlanma yarışına təhrik etməyə çalışır.

Oxu24.com xəbər verir  ki, onun sözlərini Kremlin mətbuat xidməti sitat gətirir.

“Birləşmiş Ştatlar təcavüzkar hərəkətləri ilə nəzərəçarpacaq hərbi üstünlük əldə etməyə çalışır və bununla da Asiya-Sakit Okean regionunda mövcud təhlükəsizlik arxitekturasını və güc balansını pozur. Əslində, ABŞ Avropa və Asiyadakı müttəfiqlərinin təhlükəsizliyindən asılı olmayaraq silahlanma yarışına təhrik edir”, - deyə o bildirib.

Onun sözlərinə görə, “Rusiya vəziyyətin istənilən inkişafına hazır olmalı, silahlı qüvvələrimiz suverenliyin və milli maraqların etibarlı müdafiəsini təmin etməlidir”.

Rusiya prezidentinin sözlərinə görə, “istənilən istiqamətdə, o cümlədən okean və dəniz zonalarında mümkün hərbi təcavüzü” dəf etməyə hazır olmaq lazımdır.

Miri