Oxu24.com xəbər verir ki, Formula 1 üzrə Azərbaycan Qran Prisinin sonuncu, üçüncü sərbəst yürüş sessiyası zamanı da qəza baş verib.  

Yürüşün bitməsinə cəmi 9 dəqiqə qalmış trasda marşalların sarı, daha sonra qırmızı bayraqları dalğalanmağa başladı və sessiya məcburi dayandırıldı.

Səbəb isə "Uilyams" komandasının rusiyalı pilotu Sergey Sirotkin idarə etdiyi bolidlə 3-cü döngəyə girə bilməməsi və maşını təhlükəsizlik divarına çırpması oldu. Qəzadan dərhal evakuator yola çıxarıldı və dağılmış bolid trasdan çıxarıldı.

Qəza nəticəsində bolidin bir hissəsi demək olar ki, dağılıb. Belə ki, maşının sağ təkəri və asılqanı tam sıradan çıxıb.
 
Ona görə də maşının 2 saatdan sonra başlanacaq təsnifat yarışına tam hazırlanıb-hazırlanmayacağı böyük sual doğurur.

Yəni ola bilər ki, "Uilyams" təsnifat yarıışına cəmi bir maşınla qatılsın.

Qeyd edək ki, dünən sərbəst yürüşlər zamanı "Red Bull"un pilotu Makd Ferstappen də divara çırıpılaraq yürüşü dayandırmağa məcbur olmuşdu Oxu24.com