Ukraynanın üç naziri istefa ərizəsi yazıb.

OXU24.COM  xəbər verir ki, bu barədə "RBC-Ukrayna" nəşri Ali Radanın spikeri Ruslan Stefançuka istinadla məlumat yayıb.

Söhbət Ukrayna Ədliyyə Nazirliyinin rəhbəri Denis Malyuskadan, Ukraynanın strateji sənaye naziri Aleksandr Kamışından, eləcə də Ekologiya Nazirliyinin rəhbəri Ruslan Streletsndən gedir.

Qeyd olunur ki, istefa məktubu Ukraynanın Dövlət Əmlak Fondunun sədri Vitali Kovaldan da alınıb.

Sentyabrın 3-də Ukrayna prezidenti Volodimir Zelenskinin ofisində, eləcə də Ukrayna Nazirlər Kabinetində yaxın vaxtlarda yeni kadr dəyişikliklərinin baş verə biləcəyi barədə məlumat yayılıb.

Qeyd edilib ki, Xarici İşlər Nazirliyi, Ədliyyə Nazirliyi və Ətraf Mühit Nazirliyi rəhbərlərinin istefası gözlənilirdi.

Baş nazirin reinteqrasiya məsələləri üzrə müavini İrina Vereşçuk və Prezident Aparatı rəhbərinin müavini Rostislav Şurma da istefa verə bilərlər.