"Hər şey beynəlxalq və insan hüquqlarına hörmət çərçivəsində baş verdi".

OXU24.COM xəbər verir ki, bunu jurnalistlərə Azərbaycanda növbədənkənar parlament seçkilərini müşahidə edən Ukrayna Ali Radasının deputatı Volodimir Kreidenko deyib.

"Azərbaycanda müşahidə etdiyim ilk seçki deyil. Daha əvvəl parlament və prezident seçkilərini müşahidə missiyasında iştirak etmişəm. Azərbaycandakı seçkilərin oxşar cəhəti azad, ədalətli və demokratik keçirilməsidir. Onların hamısında seçicilər təzyiq olmadan öz istədikləri namizədə səs verirlər. Bakıda 10 seçki məntəqəsində müşahidə apardıq və eyni mənzərənin şahidi olduq. Hər kəs çox azad şəkildə gəlib, öz namizədinə səs verirdi", - Kreidenko vurğulayıb.

"Ukrayna müharibə şəraitindədir və ümid edirik ki, Azərbaycanla enerji, nəqliyyat və digər sahələrdə əməkdaşlığı inkişaf etdirəcəyik. Azərbaycanı strateji tərəfdaş olaraq görürük. Biz Azərbaycanın uğur qazanmasında maraqlıyıq", - deputat əlavə edib.