Bu gecə Yer kürəsində maqnit qasırğası başlayıb, onun intensivliyi orta səviyyədədir.

Oxu24.com xəbər verir  ki, bu barədə Phobos hava mərkəzinin aparıcı mütəxəssisi Mixail Leus öz Telegram kanalında məlumat verib.

“Planetimiz ardıcıl ikinci gündür ki, maqnit qasırğası ilə başlayır. Bu gün, avqustun 29-da, Moskva vaxtı ilə səhər saat üçdən sonra, geomaqnit sahəsinin pozulmasının səviyyəsini əks etdirən Kp indeksinin dəyəri 5 vahidi keçib ki, bu da maqnit qasırğasının başlandığını göstərir”, - sinoptik yazıb.

Onun intensivliyi zəif və orta, sinif G1-G2 arasında dəyişir. Leus vurğulayıb ki, maqnit qasırğasının daha da güclənməyəcəyi və yaxın saatlarda dayanacağı gözlənilir.

Phobos mütəxəssisi həmçinin bildirib ki, cümə axşamı paytaxt regionu barik maksimumun təsiri altında olacaq, onun mərkəzi günün ortasında Novqorod vilayətinin üzərində yerləşəcək. Havanın temperaturu yenə də iqlim normasından 5-6 dərəcə yüksək olacaq.

Moskvada hava +27 dərəcəyə qədər, Moskva vilayətində isə +28 dərəcəyədək isti olacaq. Atmosfer təzyiqi 755 mm civə sütunu təşkil edəcək. 

Bir gün əvvəl alimlər xəbərdarlıq etmişdilər ki, maqnit qasırğası hava şəraitindən asılı olan rusları baş ağrısı və huşunu itirmə ilə təhdid edəcək.

Miri