Fransa prezidenti Emmanuel Makron, yaradıcısı Pavel Durovun həbs olunmasına baxmayaraq, Telegram messencerindən fəal şəkildə istifadə edir.

Oxu24.com xəbər verir ki, bu barədə “Politico” qəzeti Fransa parlamentinin keçmiş deputatına istinadən yazır.

Əlaqələrində Makronun nömrəsi olan eks-deputat messencerdə nəşrin müəlliflərinə onunla yazışmaları göstərib.

Nəşrin məlumatına görə, Makron ilk prezidentlik kampaniyası başlayandan Telegram istifadəçisidir. Həmçinin Fransa hökumətinin üzvləri və müxtəlif rütbəli və partiyalı siyasətçilər messencerdən fəal şəkildə istifadə etməkdə davam edirlər.

Durovun işini araşdırmayan, lakin onun keçmişi ilə tanış olan Fransa Ədliyyə Nazirliyinin rəsmisi bildirib ki, Paris Telegram administrasiyasının Fransa hakimiyyət orqanları ilə əməkdaşlıq etmək istəməməsi səbəbindən messencerdən məyus olub.

Bundan əvvəl amerikalı iş adamı və sahibkar İlon Mask Fransa prezidenti Emmanuel Makrona müraciət edərək Telegram-ın yaradıcısı Pavel Durovun həbsinin səbəblərini izah edib.

Bundan əvvəl Dövlət Duması Makronun hərəkətlərinə görə "revolver çıxarmaqla" hədələmişdi.

Nigar