"Telegram" mesencerinin təsisçisi Pavel Durov Fransada davam edən məhkəmə istintaqı çərçivəsində saxlanılıb".

Publika.az xəbər verir ki, bu barədə Fransa Prezidenti Emmanuel Makron "X" sosial şəbəkəsindəki hesabında yazıb.

Onun sözlərinə görə, bu, heç bir halda siyasi qərar deyil.

"Mən burada Pavel Durovun həbsindən sonra Fransa ilə bağlı yalan məlumatlar oxuyuram. Fransa ifadə və ünsiyyət azadlığına, innovasiyaya və sahibkarlığa həmişəkindən daha sadiqdir. Bu, belə də qalacaq.

Sosial mediada qanunun aliliyi çərçivəsində, real həyatda olduğu kimi, vətəndaşların müdafiəsi və onların əsas hüquqlarına hörmət edilməsi üçün azadlıq qanunla müəyyən edilmiş çərçivədə realizə edilir. Qanunun icrası tam müstəqilliyə malik olan məhkəmələrə həvalə olunub", - deyə Makron vurğulayıb.