ABŞ prezidentliyinə Respublikaçılar Partiyasından namizəd Donald Tramp demokrat rəqibi Kamala Harrisi tənqid edərək onu “kommunist” adlandırıb.

“Yoldaş Kamala Harris ölkəmiz üçün təhlükədir. O, kommunistdir, həmişə kommunist olub və həmişə kommunist olacaq. Onun “rəhbərliyi” altında Birləşmiş Ştatlar dağılacaq və tez dağılacaq”, – Tramp Truth sosial şəbəkəsində yazıb.

Avqustun 17-də Tramp Harrisin iqtisadi planını tənqid edərək bildirib ki, o, özünü “tam kommunist” kimi göstərib. Əvvəllər Demokrat namizəd seçkidə qalib gələrsə, yüksək inflyasiya şəraitində qida qiymətlərinin şişirdilməsi ilə bağlı ilk federal qadağa tətbiq edəcəyinə söz vermişdi. Tramp onun təklifini şərh edərək, belə təşəbbüslərin “əvvəllər heç vaxt işləmədiyi” fikrini bildirib.

Miri