Son illərdə baş verdiyi iddia edilən “Rusiya təsirini” araşdırmaq üzrə komissiyanın işi Polşa büdcəsinə təxminən 140 min dollara başa gəlib.

Oxu24.com xəbər verir ki,bu barədə Rzeczopspolita yazır.

“PiS (Qanun və Ədalət partiyası - Oxu24.com) tərəfindən yaradılan Rusiyaya təsir üzrə komissiyanın üç aylıq işinə 555 min zlotidən (139 min dollar) çox pul xərclənib”, - materialda deyilir.

Qeyd olunur ki, “Rusiya təsirinin” öyrənilməsi üzrə Dövlət Komissiyasının doqquz üzvünün üç ay ərzində maaşlarına demək olar ki, 422 min zloti gedib. Komissiya avqustun sonundan 2023-cü il noyabrın 29-dək qüvvədə olub.

Bundan əvvəl Polşa Daxili İşlər Nazirliyinin rəhbəri Tomaş Siemonyak bildirib ki, 2023-cü ilin dekabr ayından bu yana Polşada 18 vətəndaş Rusiya və Belarusun xeyrinə casusluqda ittiham olunaraq saxlanılıb və həbs edilib.

Siemonyakın sözlərinə görə, bütün vətəndaşlar Polşa ərazisində təxribat aktları planlaşdırmaqda və ya törətməyə cəhddə ittiham olunurlar. Söhbət Rusiya və Belarus kəşfiyyat xidmətləri ilə birbaşa əməkdaşlıqdan gedir.

Bundan əvvəl Polşa Aİ-yə Ukraynanın ticarət imtiyazlarını ləğv etməyi təklif etmişdi.

Nigar