Qəzza zolağında vəziyyətin nizamlanması üzrə danışıqların növbəti mərhələsi avqustun 15-də Qətərdə baş tutacaq.

Oxu24.com xəbər verir ki, Bu barədə TASS-a İsrailin baş naziri Binyamin Netanyahunun ofisinin müşaviri Dmitri Gendelman məlumat verib.

“Danışıqların növbəti mərhələsi sabah (15 avqust - redaktorun qeydi) Qətərin paytaxtı Dohada baş tutmalıdır. İsrail nümayəndə heyətinə Mossad-ın rəhbəri David Barnea başçılıq edəcək”, o bildirib.

Bundan əvvəl HƏMAS-ın Livandakı nümayəndəsi Əhməd Əbdül Hadi bildirmişdi ki, Fələstinin radikal HƏMAS hərəkatı Qəzza zolağında atəşkəslə bağlı məsləhətləşmələrdə iştirak etməyəcək. Onun sözlərinə görə, hərəkat bütövlükdə danışıqların əleyhinə olmasa da, Netanyahu atəşkəs razılaşmasının əldə olunmasında maraqlı olmadığı üçün indi onlar mümkün deyil.

İran hökuməti də avqustun 13-də analoji qərar qəbul edib. İslam Respublikasının BMT-dəki diplomatik nümayəndəliyinin nümayəndəsinin sözlərinə görə, Tehran Qəzza zolağında qarşıdan gələn sülh danışıqlarına öz müşahidəçilərini göndərməyəcək.

Bundan əvvəl Netanyahu Həniyəyə qarşı sui-qəsddən sonra Qəzzə ilə bağlı razılıq əldə etmək şanslarını dəyərləndirib.

Miri