"İran Fələstinin radikal HƏMAS hərəkatının Siyasi Bürosunun sədri İsmayıl Haniyənin öldürülməsinə cavab olaraq bu həftə İsrailə hücum edə bilər".

OXU24.COM  xəbər verir ki, bunu Pentaqonun sözçüsü Patrik Rayder deyib.

O, bunun mümkün olduğunu vurğuladyıb, lakin hücumun nə vaxt baş verə biləcəyini təxmin etmək və ya təxmin etməyə çalışmaq niyyətində deyil. Onun fikrincə, vəziyyətə ciddi yanaşmaq lazımdır.

"Buna görə də ABŞ artıq hazırdır", - Rayder əlavə edib.

Bundan əvvəl Fələstin prezidenti Mahmud Abbas, İranın yaxın saatlarda İsrailə cavab verəcəyinə qərar verə biləcəyini, Fələstinin siə müharibə istəmədiyini deyib.

Bir gün əvvəl məlum olmuşdu ki, İran Qərb ölkələri ilə İsrailə mümkün hücumu və HƏMAS Siyasi Bürosunun rəhbəri İsmayıl Haniyənin ləğvi üçün cavab tədbirləri üsullarını müzakirə edir.