Naməlum şəxslər Litvanın Moskvadakı səfirliyinin iki girişinə qırmızı boya töküblər.

Oxu24.com xəbər verir  ki, bu barədə TASS məlumat yayıb.

Hücum edənlər diplomatik missiyanın divarındakı lövhədə də qırmızı əl izləri qoyublar.

Agentliyin müxbirinin verdiyi məlumata görə, hadisə Borisoqlebski zolağında baş verib.

Hazırda səfirliyin binası yaxınlığında vəziyyət sakitdir. Polis hadisə yerindədir və diplomatik nümayəndəlikdə açılan fotosərgi fəaliyyətini davam etdirir.

Bundan əvvəl naməlum şəxslər Çexiyanın Moskvadakı səfirliyinin binasına qırmızı boya töküblər. Onlar binanın girişindəki hasara və turniketə ləkə vurublar. Hadisə yerinə Rusiya Milli Qvardiyasının əməkdaşları gəlib.

Ötən ilin aprelində Rusiyanın Kanadadakı səfirliyinin nazir-müşaviri Vladimir Proskuryakov bildirmişdi ki, naməlum təcavüzkar Rusiyanın Ottavadakı səfirliyinin hasarının bünövrəsinə qırmızı boya tökərək Rusiya diplomatik missiyasının əmlakına ziyan vurub.

Nigar