İranda qadın həbsxanasında məhbuslar üsyan ediblər

OXU24.COM  xəbər verir ki, bu barədə İRNA məlumat yayıb.

Həbsxanalar, Təhlükəsizlik və İslah Xidmətləri İdarəsi (PSC MO) həbsxanada baş verən iğtişaşın dinc yolla yatırıldığını bildirib.

Qurumun şənbə günü yaydığı bəyanatda iranlı mühafizəçilərin Evin həbsxanasında qadın məhbusları döyməsi ilə bağlı mətbuatda yayılan xəbərləri təkzib edib. Bildirilib ki, avqustun 6-da məhbuslardan Narges Mohammadi adlı biri digər məhbusları mühafizə rəisinə hücum etməyə razı salıb.

Bəyanatda həmçinin bildirilir ki, məhbuslar həbsxanadan çıxmaq üçün həyət qapısının kilidini sındırıblar. Mühafizəçilər məhbusların binaları tərk etmələrinin qarşısını almaq üçün tədbirlər görüblər.

İğtişaşlar zamanı qadın məhbuslar həbsxana işçilərini döyüblər. İki məhbus stress səbəbindən ürək döyüntüsünün artmasından əziyyət çəkib, lakin tibbi müayinədən sonra onların ümumi vəziyyətinin qənaətbəxş olduğu bildirilib.