RMC Sport xəbər verir ki, Fransa Futbol Federasiyasının prezidenti Filip Diallo Olimpiadanın 1/4 finalında fransalı və argentinalı futbolçular arasında baş verən davanı şərh edərək, Argentinanı təxribatlarda ittiham edib.

“Oyun zamanı futbolçularımız böyük təxribatlara məruz qaldılar. Onlar 100-cü dəqiqəyə qədər dayanmağı bacardılar. Amma təəssüf ki, vəziyyət daha da pisləşdi”, - Diallo bildirib.

Fransa 1:0 hesabı ilə qalib gələrək turnirin yarımfinalına vəsiqə qazanıb.

Bundan əvvəl Buenos-Ayresdəki “River Pleyt” stadionunda 80 min insan Fransa millisinin futbolçuları haqqında irqçi mahnı oxumuşdu. İrqçi qalmaqallı insident Argentinanın 2024-cü ildə Amerika Kubokunun finalında qələbə qazanmasından sonra baş verib və internetdə yayımlanan "Çelsi"nin yarımmüdafiəçisi Enzo Fernandes tərəfindən yayımlanıb. Fransa Futbol Federasiyası futbolçuların bu cür davranışları ilə bağlı Beynəlxalq Futbol Federasiyasına şikayət etmək və Argentina federasiyasına məktub göndərərək tədbir görülməsini xahiş etmək niyyətindədir.

Bir müddət əvvəl Argentina millisinin futbolçusu Olimpiya Oyunlarında fransızlarla əlbəyaxa davadan danışmışdı.

Nigar