Son dövrlərdə nanənin faydaları internetdə ən çox axtarılan suallardan biri olub.

Oxu24.com xəbər verir ki, təzə və quru nanə yeməklərin və salatların vazkeçilməz ədviyyatı sırasındadır. Dinamik və tünd aroması ilə yeməklərə fərqli bir dad qatan nanənin bir çox faydası var.
Təzə nanə mədə və həzm problemlərini aradan qaldırır. Araşdırmalar nəticəsində yeməklərə əlavə olunan nanənin mədə bulantısının qarşısını aldığı məlum olub.

Nanə yağını alına və buruna sürtməklə sürətli şəkildə baş ağrısının qarşısını almaq mümkündür.

Nanə həm də mikrob öldürücü xüsusiyyətə malik olduğu üçün ağız boşluğundakı bakteriyaların böyüməsinin qarşısını alaraq ağız və diş sağlamlığını qoruyur.

Son araşdırmalar nanənin tərkibində olan fermentlərin xərçəngin qarşısını aldığı və müalicəsinə kömək etdiyini göstərmişdir.

Bundan əlavə nanə stresi azaldır, immuniteti gücləndirir, göz sağlamlığını qoruyur. Həzm sistemində güclü təsiri olduğu üçün artıq çəkilərdən xilas olmağa kömək edir. Oxu24.com