Aldatma yolu ilə Rusiya ordusuna cəlb edilmiş hindistanlı Ukraynadakı müharibədə həlak olub.

Oxu24.com xəbər verir  ki,Agentliyin məlumatına görə, bu, son vaxtlar Hindistan vətəndaşının təsdiqlənmiş beşinci ölümüdür.

Qardaşı Ajay bildirib ki, 22 yaşlı Ravi Mun yanvar ayında özəl məşğulluq agenti ona nəqliyyat sektorunda iş vəd etdikdən sonra Rusiyaya gedib. Lakin o, yerindəcə silahdan istifadə öyrədilib və mart ayında cəbhəyə göndərilib.

“Onunla əlaqəni kəsdikdən sonra Hindistanın Moskvadakı səfirliyi ilə əlaqə saxladım, orada qardaşımın öldüyü bizə xəbər verildi” deyən Ajay səfirliyin ailədən Ayın cəsədini müəyyən etmək üçün DNT nümunələri göndərməyi xahiş etdiyini bildirib.

Yaxınları da Hindistanın baş naziri Narendra Modinin ofisindən cəsədin vətənə qaytarılması üçün kömək istəyib.

Keçən həftə Hindistan Xarici İşlər Nazirliyi bildirib ki, hökumət Rusiya ordusunda döyüşən 50-yə yaxın hindlini geri qaytarmaq üçün Rusiya hakimiyyəti ilə işləməyə davam edir. İyulun əvvəlində məlum olub ki, Rusiya hakimiyyəti müharibəyə cəlb olunan və orada həlak olan Hindistan vətəndaşlarının ailələrinə təzminat ödəməyə başlayıb. Modi bu məsələni Rusiya prezidenti Vladimir Putinlə görüşdə qaldırıb.

Miri