Bloomberg öz mənbələrinə istinadən yazır ki, bir sıra Aİ ölkələrində səlahiyyətlilər Əfqanıstanda səfirliklərin yenidən açılması imkanını müzakirə edirlər ki, bu da Talibanın ölkədə rəsmi hökumət kimi tanınması deməkdir.

Yüksək səviyyəli avropalı diplomatlardan biri nəşrə bildirib ki, Brüsseldə Talibanla bağlı baxışlar Aİ ölkələrinin nümayəndələrinin Əfqanıstanda fiziki iştirakının zəruriliyini tanımaq istiqamətində dəyişib.

Onun sözlərinə görə, bu, inkişaf layihələrinin həyata keçirilməsi, qadınların hüquqlarının müdafiəsi və ümumiyyətlə, ölkədə strateji varlığın yaradılması üçün lazımdır.

Xüsusilə, İtaliya hakimiyyətinin bu məqsədlə Əfqanıstan paytaxtında kəşfiyyat əməliyyatı keçirdiyi bildirilir.

Həmçinin ölkənin xarici işlər naziri Antonio Tajani İtaliyanın Əfqanıstandakı səfirinin hazırda Qətərdə olan Kabilə səfər etdiyini təsdiqləyib.

Tajaninin sözlərinə görə, İtaliya hakimiyyəti Talibanla diplomatik əlaqələr qurmaq üçün “çalışır”. O, həmçinin Əfqanıstanda “insan haqları problemlərinin” olduğunu vurğuladı və qeyd etdi ki, “həlli çox çətindir, bunun üçün vaxt lazımdır”.

Miri