Tbilisidə ölkənin Aİ və NATO-ya inteqrasiyasına qarşı çıxan “Vahid Neytral Gürcüstan” yeni ictimai-siyasi hərəkatının təqdimatı olub.

Oxu24.com xəbər verir ki, təqdimat “İmedi” və “Rustavi 2” telekanalları tərəfindən canlı yayımlanıb.

“Bu gün Gürcüstanda avrointeqrasiya din elan edilib, bu, gürcü xalqına qarşı cinayətdir, bu günahın bir hissəsi isə NATO-nun hələ din statusuna malik olmamasıdır NATO-ya inteqrasiyanı konstitusiya vəzifəsi kimi qələmə vermək, hətta formal olaraq, ölkənin əsas qanunu tamamilə cəfəngiyatdır və praktiki baxımdan NATO-ya inteqrasiyanı konstitusiya dogmasına çevirmək qəbuledilməzdir”,-deyə Hərəkatın lideri Vato Şakaraşvili bildirib.

Siyasətçinin fikrincə, Gürcüstan və Ukrayna NATO-nun tərəfdaş ölkələri olub və bunun Ukraynanı hara apardığını hər kəs aydın görə bilər.

Onun sözlərinə görə, Gürcüstan bütün ölkələrlə dost olmaqda davam etməklə müstəqil və neytral dövlət qurmalıdır.

Avropa İttifaqına gəlincə, Şakaraşvili Aİ-nin son illərdə iqtisadi durğunluq yaşadığı statistikaya istinad edib.

Onun sözlərinə görə, indiki geosiyasi vəziyyəti nəzərə alsaq, Avropa İttifaqının hətta bir neçə ildən sonra mövcud olub-olmayacağını heç kim bilmir.

Şakaraşvilinin qeyd etdiyi kimi, ictimai hərəkat bir ildən sonra siyasi partiyaya çevriləcək və 2028-ci ildə keçiriləcək parlament seçkilərində iştirak edəcək.

Anti-Qərb bəyanatları və ənənəvi dəyərləri dəstəkləməsi ilə tanınan gənc siyasətçidən başqa, hərəkata müxtəlif ictimai xadimlər, ekspertlər və bir qayda olaraq müxalifəti tənqid edən, hakim “Gürcü Arzusu” partiyasının təşəbbüslərini dəstəkləyən keçmiş siyasətçilər də daxil idi.

Nigar