Oxu24.com TASS-a istinadən xəbər verir ki, Rusiyada "YouTube" videohostinqinin daha bir analoqu - "Platform" xidməti istifadəyə verilib.

Rteam şirkətinin tərtibatçılarının fikrincə, yeni videoservis interfeysi və funksionallığı YouTube-a mümkün qədər yaxındır. Rus və ingilis dillərində altyazılı 4K keyfiyyətinə qədər videolar artıq Platformada mövcuddur. YouTube-da Shorts kimi qısa video formatı da var.

Hazırda videoservis saniyədə 240 min sorğuya cavab verə bilir, Rteam-in baş direktoru Andrey Talyzin qeyd edib. Eyni zamanda, Platformada Rusiya qanunvericiliyini pozan məzmunu və anti-Rusiya ritorikası olan videoları məhdudlaşdıran moderasiya sistemi var, tərtibatçılar qeyd ediblər.

Xatırladaq ki, bundan əvvəl Rusiyada üç yerli video hostinq xidməti istifadəyə verilmişdi: RuTube, VK və Nuum. Lakin onların heç biri YouTube-a ciddi rəqib ola bilmədi.

Nigar